காலூன்ற இடம்

காலூன்றும் முன்
காலூன்ற இடமே
அவசியமாய் இருந்தது
கண்ணுக்கு தெரியாமல்
கைகள் நீட்டப்பட்டன
காலூன்றும் வரைக்கும்

முகமில்லா உதவிகளின்
மூலம் அறிய
நேரம் இல்லை
ஏனேன்றால் நான்
பார்க்க முடிந்தது
என்னை மட்டுந்தான்
காலூன்றல் என்
உயிர் தவிப்பு

உதவும் கைகள்
வலதாகவும் இடதாகவும்
என் வசதிக்கேற்ப
நகர்ந்திருக்காலாம் என்ற
கோபம் கொட்டினேன்
நின்ற பின்னால்

குறை கேட்டு
அடுத்தென்ன
செய்ய பதில்
கேள்வி கேட்க
முகம் சுழித்தேன் நான்
இது எனக்கு
உடன்பாடு இல்லை
எனக்கென்ன அதை
தேட தலையெழுத்தா?

இன்னும் சிலர்
கீழ் இருந்து
கால் ஊன்ற
கை கேட்க
அருகில் நின்றவன்
கையோடு முதுகையும்
தராத போது
நான் மட்டும் கையை
எப்படி தர முடியும்?
எனக்கு எப்போதும்
நியாயம் முக்கியம்
நியாயத்தை நான்
நிர்ணயிக்கும் போது

---------------------------------------------------
அரசின் பல சலுகைகளை அனுபவித்து அதன் அருமையான
கல்வி முறையில் பயன்பெற்று மெத்தப்படித்து
மேல் வரும் போது இந்த நாடென்ன செய்தது எனக்கு என்று கேட்போரை
காணும் நேரம் தோன்றியது இது.