எனக்கும் அவளுக்குமான
எப்போதோ சொல்லப்பட்ட வார்த்தைகளின்
இருட்டு மூலைகளில் அது ஒளிந்திருந்தது
இப்போது பிடறிமயிர் சிலிர்த்து
வெளிவந்து ஆட்டமிடுகிறது
வெளிவராமல் இருந்தால்
விஷவிருட்சம் ஆகியிருக்கலாம்
ஆட்டத்தினை காணும் போது
ஆட்டத்தின் விளிம்புகள் காண
ஆட்டத்தின் எச்சங்கள் எல்லா புறமும் சிதறும்
சிதறுவது ஆட்டதின் நியதி
முடிவில்லா சங்கிலியாய்
நீள்வதாய் நர்த்தனம் வேடமிட்டாலும்
கடைசியில் அதையும் அதோடு உள்ளதையும் சேர்த்து
கடாசிவிட்டு கட்டிக் கொண்டு முடங்குகையில்
வேறோரு ஆட்டம் தொடங்குகிறது
No comments:
Post a Comment