பிடித்ததும் பழகியதும்

என்றாவது ஒருநாள்
இரவு முடிந்து பகல்
வந்தால் பண்டிகையென
காத்திருப்பு
நீளும் இரவுகளோடு
நித்திரை அதிகரிப்பு
பகல்தன்னை தேடும்
பரிதவிப்பும் உண்டு
இரவின் நுனியில்
நாட்கள் அமர அமர
பழக ஆரம்பத்தோம்

தூங்காமல் காணாமல்
போயிருந்தவன் வந்து நிற்க
போன இடம் கேட்ட போது
பகலே இதுதான் என்றான்
என்றோ முடிந்த இரவு
இன்னும் தெரியாமல்
பகலுக்கும் இருள் பூசிவிட்டோம்
வந்தவனை துரோகி ஆக்கி
கொன்று புதைப்பு
இருள் அகல இருளுக்குள்
காத்திருத்தலே பிடித்தம்
இருள் அகன்றால் என் செய்வது