Tuesday, February 27, 2007

தனியாக ஒரு பாதையில்


Snake and Fish
Originally uploaded by FotoDawg.
நெடுங்கோடு போல்
தெரிந்த பாதையில்
பயணம் ஆரம்பித்தேன்
அரவம் போல் முறுக்க ஆரம்பிக்க
அடிகளை கவனிக்க வேண்டியதாயிற்று
உறுப்புகள் தொலைந்தன
அரவத்தின் முறுக்கினில்
அழுகையும் அரற்றலும்
பாடுபொருள் ஆன
பொழுதுகள் உண்டு
தூவி விட்ட விதை
தூறலுக்கு குதிப்பதாய்
அறுந்தவை முளைக்க
ஆட்டம் பாட்டமும் இருந்தன
விம்மலுக்கும் சிரிப்பிற்கும்
நடுவே பயணம்
ஆரம்பம் நியாபகமில்லை
முடிவு நியாபகம் இருக்குமோ தெரியவில்லை
முன்னும் பின்னும் இடையிடேயேயும்
முளைத்து வரும் துணைகளும் உண்டு
விடாமல் போவதாய் உத்தேசம்
விட்டு விட்டு போகவும் வேறு இடம் ஏது?

No comments: